تامر أمين يهاجم اتحاد الكرة ويوجه هذه الرسالة لمجلس إدارة الأهلي بشأن الدوري
وجه الإعلامي تامر أمين، رسالة إلى مجلس إدارة النادي الأهلي ومارسيل كولر المدير الفني للفريق، بشأن مدى أهمية بطولة الدوري هذا العام.
وقال "أمين" خلال تقديم برنامجه "آخر النهار" المذاع على فضائية "النهار" مساء اليوم الثلاثاء، "هو انتوا فارق معاكو أوي الدوري السنة دي الاهلي مفيش بطولة إلا ولازم يكسبها، العدل بيقول لو الأهلي رجع بعد إجازة المعسكر الدولي لما يرجعوا عنده ماتش كل 6 ساعات علشان يعرف يخلص ماتشاته المؤجلة".
هل هنحارب علشان نكسب الدوري؟
وأضاف "فعلشان يرجع بالنسق المطلوب ويحارب علشان يكسب الدوري مش هتلاقوا لاعيبة، لازم تقعدوا مع بعض واتفقوا هنعمل ايه بس تبقوا عارفين اللعيبة بشر ولحم ودم وممكن يقعوا وتيجي هذه اللحظة في البطولات الكبيرة بعد ما ضمن البطولة كونه حامل اللقب".
وتابع "مش فارق نلعب بالناشئين ونعطيهم خبرة أنا بقول رأيي المتواضع مش فارقة معايا ولكن فارق معايا الأهلي يكسب السوبر ويرفع رأسنا في كأس العالم للأندية وكأس الإنتركونتيننتال".
هجوم على اتحاد الكرة
ومن ناحية أخرى فتح النار على اتحاد الكرة، قائلًا "انتي جاية تشتغلي ايه، يعني الأندية تستعد علشان هتلعب مع الأهلي والزمالك في كأس مصر وتيجي بعد ما حسام حسن يعلن القائمة تقول هنأجل المباراة".
وتساءل "كنت متخيل وأنت بتحط القرعة أن حسام حسن هيأخد من الأهلي ايه حد يراعي مصلحة البلد وسمعة البلد هذه المهزلة الكروية اللي احنا بنعملها، إحنا بنلعب دوري كل نادي بيلعب في أسبوعه في كوميديا سوداء".
