السيسي: حالة عدم الاستقرار من 2011 -2013 جابت البلد على الأرض
أكد الرئيس عبد الفتاح السيسي، أنه خلال 20 عام قد يصل عدد السكان في مصر لـ 150-160 مليون مواطن، معقبًا: "طب أنا مش هكون موجود لكن انتو وأبناءكم وأحفادكم موجودين في حد لازم يضحي ويدفع علشان الكلام ده ينتهي مين يدفع مين يدفع".
وأضاف "السيسي"، خلال كلمته على هامش جلسة "واقع الاقتصاد المصري" بمؤتمر "حكاية وطن" المذاع عبر فضائية "إكسترا نيوز"، اليوم السبت،: "ممكن نتساهل أكتر مع إخواتنا ونقول لهم يلا ساعدونا كمان بس ميصحش كده ميصحش"، مردفًا: "إذا كنت أنت مش عايز تساعد نفسك عايز الأخرين ليه".
وتابع الرئيس السيسي، أنه منذ عام 2011-2013 بقى حد عايز يحكم بلد يهدها، علشان ياخدها في 2012، طب حد كان بيقولهم والله العظيم انا كنت بقول البلد بتروح محدش هيعرف يصلحها بعد كده، نستقر والانتخابات تجيب اللي تجيبه"، مشددًا على ان حالة عدم الاستقرار من 2011 -2013 جابت البلد على الأرض، ومفيش بلد بتطلع لقدام غير بالاستقرار والأمن، وأي حد يقول غير كده يا جاهل يا أحمق.
