السيسي: "لو كان ثمن بناء الدولة موتي هعملها"
أكد الرئيس عبد الفتاح السيسي، أنه خلال عام 2014، شخص ما قال له أنت أيقونة مصر ايه اللي يدخلك في الدولة دي، قالي انت بطل مصر أوعى تخش لا احسن بعد كده هيقطعوك يعني.
وأضاف "السيسي"، خلال كلمته على هامش جلسة "واقع الاقتصاد المصري" بمؤتمر "حكاية وطن" المذاع عبر فضائية "إكسترا نيوز"، اليوم السبت،: "قولت له لو كان تمن بناء الدولة دي مش تقطيعي موتي أنا هعملها".
وتابع الرئيس السيسي، أن "أول زيادة في تخفيض دعم الوقود كانت في عام 2014، والناس قالت إزاي يعمل كده وهو لسه داخل حد يعمل كده في نفسه، أوعوا تفتكروا أن انا جاي اقدم نفسي ليكم ده لا يليق خالص، إحنا بننجد دولة صعبة".
