أديب مدافعا عن منى زكي: "مستكترين عليها تعمل دور بالحجاب"
قال الإعلامي عمرو أديب، إن الفنانة منى زكي تعرضت لهجوم كبير بعد عرض بوستر مسلسلها "تحت الوصاية" والمقرر عرضه في شهر رمضان، مضيفا: "بيعترضوا على حواجبها.. هجوم غير طبيعي، بيعترضوا عشان محجبة وحشة، عايزين محجبة قمر".
وأشار أديب، خلال برنامج "الحكاية" المذاع عبر فضائية "إم بي سي مصر"، مساء الإثنين، إلى أن غالبية من يهاجموا منى زكي من السيدات، مضيفا: "منى زكي ست محترمة متجوزة رجل محترم عمرنا ما سمعنا عنهم حاجة وحشة.. بقالنا كذا سنة مفيش حاجة بتطلع وحشة".
وأضاف، "الهاشتاج ضد منى زكي هيستمر يومين تلاتة كمان.. الحجاب فرض وبحترم أي سيدة محجبة، الدراما المبسترة لازم تخلص، هنقدم دراما ايه لو كل حاجة علامة حمراء، هو أنتم حليتوا كل المشاكل ومش فاضل غير مسلسل منى زكي، اتفرجوا الأول وبعد كده احكموا، بشويش شوية الحالة دي مش حالة كويسة، والموضوع مالهوش علاقة بالحجاب".
وتابع، “الموضوع أنهم مستكترين على منى زكي تعمل دور بالحجاب.. أنا مستغرب أننا واصلين لمرحلة الحواجب، حاجة جديدة لانج، وتوحش، إيه شغل كيد النسا ده، خفوا شوية على الست”.
