بشرى سارة من تامر أمين بشأن سعر الدولار

علق الإعلامي تامر أمين، على قرار البنك المركزي بشأن تحرير سعر العملة، قائلًا: "بدل ما كنا بنلعب بموضوع الدولار تحت الترابيزة بقينا بنلعب فوق الترابيزة، وبعد ما كنا مش باينين بقينا مكشوفين"، متابعًا: "هو ده السعر اللي كان في السوق السوداء".
 

تامر أمين عن كلمة السيسي: "الناس بستسهل المكسب.. والبلد كلها عايزة تشتغل سماسرة"

قعدوهم على الرصيف.. تامر أمين يكشف واقعة غريبة بإحدى المدارس الخاصة

الدولة تركت الدولار والجنيه لفكرة العرض والطلب

وأضاف "أمين"، خلال تقديم برنامجه "آخر النهار"، المذاع على فضائية "النهار"، مساء اليوم الخميس،: "الدولة تركت الدولار والجنيه لفكرة العرض والطلب، وتطلع زي ما تطلع، وإحنا كنا عارفين إنه ا طالعة بس كنا بنضحك على نفسنا، ولما كان الدولار بـ 8 جنيه كنا بنضحك على نفسنا".

واستكمل: "الوضع كان خاطئ واللي حصل تصليح للوضع، ما حصل في تركيا كده وسابوا الليرة وحرروها، كانت الليرة بـ 3 دولار، بقى الدولار بـ 18 ليرة".

استقرار الأمور في الأسبوع الأول من نوفمبر

وعن احتمالية ارتفاع سعر الدولار، قال: "من التجارب إن الدولار مش هيفضل كده، من رأيي إن الأمور هتستقر في الأسبوع الأول من نوفمبر، وممكن ينزل بس مش هيطلع تاني".

واستطرد: "المفروض ميحصلش زيادة في الأسعار، اللي ممكن يرتفع بس الحاجات المستوردة لكن المصري لا، الأسعار بتزيد لما السولار والبنزين يزيدوا بس"، مستكملًا: "هذه السياسات ستؤتي ثمارها، وتؤكد على التعامل بشفافية، وبقولكم أبشروا".