تامر أمين عن كلمة السيسي: "الناس بستسهل المكسب.. والبلد كلها عايزة تشتغل سماسرة"
عقب الإعلامي تامر أمين، على كلمة الرئيس عبدالفتاح السيسي في ختام المؤتمر الاقتصادي، اليوم الثلاثاء، لافتًا إلى أن الرئيس أكد خلال كلمته على ضرورة العمل، وهذه نقطة مفصلية.
ثقافة العمل
وقال تامر أمين، خلال حلقة اليوم الثلاثاء، من برنامجه "آخر النهار"، المذاع عبر فضائية "النهار": "مش عايز أقول كلام يزعل بعض المصريين مني، لكن ثقافة العمل عندنا محتاجة إعادة نظر".
وأضاف تامر أمين: "في الكنيسة والجامع والمدرسة والبيت محتاجين نتعامل مع أولادنا بفكرة مختلفة عن العمل، لأن من الواضح إننا مش بنعرف نزرع فيهم ثقافة العمل، في دول كثيرة عندها ثقافة العمل قوية زي الصين واليابان".
الاستسهال وشغل السمسار
وتابع مقدم "آخر النهار": "عندنا مشكلة، الناس اللي بستسهل المكسب كتير، والناس اللي بتكسل عن الشغل كتير، والناس اللي بيبقى قدمها فرص عمل وتسيبها كتير، بلاش فكرة الاستسهال، كله عايز يشتغل سمسار، يقولك وأنا قاعد على القهوة بشيش اعملي صفقة منها على صفقة من هنا، البلد كلها عايزة تشتغل سماسرة".
