حسام حبيب يفجر مفاجأة لـ أسرة شيرين: "نأبكم على شونة"
أكد الفنان حسام حبيب، أنه لم يهاجم شيرين عبدالوهاب، قائلا: "أنا بحبها وليها معزة خاصة"، لافتا إلى أن شيرين أخبرت والدتها أنهم تصالحوا، معلقا: "قالت لمامتها أنا مرتاحة يا ماما، وقالتلي إنت اتظلمت ومن الأخلاق أني اردلك كرامتك أمام الناس".
تفاصيل جديدة عن علاقة شيرين بأسرتها
وأشار حبيب، خلال اتصال هاتفي ببرنامج "الحكاية" المذاع عبر فضائية "إم بي سي مصر"، مساء الجمعة، "لو شيرين شايفة أن علاقتها معايا توكسيك كانت قفلت صفحة علاقتنا، والعربية رجعت قبل البيان بكتير، وحد من صحابها أخدها وقالها أنا هاخدها وقالها هديلك بدالها شغل.. ويومها اتصلت بيا وقالتلي أنا عرفت اللي انت كنت بتعمله وهقف في ضهرك".
وعن تسببه في ادمان شيرين للمخدرات، قال، "لو أنا السبب كان زماني زيها، وأنا أهلي أطباء مش هيبسبوني كده.. كلام غير منطقي، ده كان سبب خلافنا الرئيسي.. شيرين عندها لسان وهتقول الحقيقة المرادي، اللي بيدمر شيرين هو اللي عايز يحجر عليها، وقالي أنا عندي توكيل رسمي منها وهحجر عليها، ويسأل محاميها حسام لطفي، وبلغت شرين عشان تأمن بناتها، وعملنا حسابات لبناتها برة مصر.. نأب الناس دي هيطلع شونة".
