في أول ظهور له.. حسام حبيب يكشف مفاجأة عن علاقته عن شيرين

قال حسام حبيب، إنه مندهش من الهجوم عليه والذي بدأ من شهر نوفمبر الماضي بعد انفصاله عن شيرين عبدالوهاب، مضيفا: ""مش بتكلم عشان أبرىء نفسي، ولكن عايز الناس تسمع وجهة النظر ولهم حكمهم".

وأشار حبيب، خلال اتصال هاتفي برنامج "الحكاية" المذاع عبر فضائية "إم بي سي مصر"، مساء الجمعة، إلى أن بداية وجوده في حياة شيرين كانت من خلال الصداقة، وكانت تستغيث به ليخرجها من المحيط الذي تتواجد فيه، معلقة: "كانت بتقول أنا بنهار وبتنهش.. وبصفتها صديقة غالية كنت بحاول اساعدها.. وجودي كان غير محبب لدي المحيطين بها لأن الحنفية اتقفلت".

وأضافت، "مينفعش ست بتشتغل كل ده وميكنش عندها أرقام تثبت ده.. جابت شخص وسألته أنا عندي كام في البنك، والرد بالنسبالي كان صادم، أنا لما اتجوزتها كان عندي فلوس أكتر، وده يقول أن الست دي كانت منهوبة ومتهكة، وكنت العدو الأول للناس اللي بيشتغلوا معاها.. وبعد فترة أصبحت العدو للناس اللي عايشة من خيرها، كانوا عايزين ينتهكوها".

وتابع، "فضلوا يشتغلوا 4 سنين عشان أمشي، وإنا وشيرين نتحمل جزء من مسئولية اللي حصل، حتى وصلنا إلى الطلاق وموضوع الشعر"، مؤكدا أنه لم يكن عنيف مع إمرأة في حياته، معلقا: "أنا راجل متعلم ومتربي وأمي دارسة سيكولوجي، مينفعش أهاجم ست عاشرتها ولو ليله مش 4 سنوات".

ونفى ما يتردد بشأن أنه اعتدى عليها بالضرب، "قائلا: "محصلش، أنا عمري ما أخدت من شرين جنيه لا من أدامها ولا من وراها، ولما كانت تقولي خد فلوس ده حقك كنت برفض، كانت علاقة جميلة وليست سامة"، كاشفا أن سبب الطلاق أنه غير راضي عن أسلوب حياتها والمحيطين بها.