"الستات": الرجل الحنين رزق ولا خطر؟
خصص برنامج "الستات"، المذاع عبر فضائية "النهار"، اليوم الأحد، فقراته لمناقشة العلاقات العاطفية والإجابة على التساؤل: اليوم للإجابة عن التساؤل: "الراجل الحنين رزق ولا خطر؟!".
الرجل الحنين رزق ولا “ريسك”؟
وقالت الإعلاميات مفيدة شيحة وسهير جودة، مقدمات برنامج "الستات"، إن أحد الأسئلة أو التحذيرات المطروحة على السوشيال ميديا مؤخرًا تدور حول: هل الرجل الحنين "ريسك" مخاطرة!، موضحين أن "الخوف من حكاية الرجل الحنين إنه يكون حنان كاذب أو طريقة يعني، ولكن مش حقيقته".
عكس حقيقتهم
وقالت الإعلامية مفيدة شيحة: "إزاي هنعرف الراجل الحنين في مجتمع بيربي الراجل إنه لازم يكون خشن وجامد وحنش وميظهرش عواطفه ورقته ومينفعش يكون لطيف علطول مع الست عشان تحترمه وتعمل له ألف حساب".
وتابعت مفيدة شيحة، أن بالتالي هتلاقي رجالة من جواهم حنينين وطيبين حقيقي لكن بيظهروا عكس ده، إنما عشرتهم طيبة وكلهم أصول وولاد ناس وبيصونوا الست اللي معاهم، وأما اللي بيظهر الحنيه عمال على بطال دا يقلق بصراحه! أو مش جذاب أو مضمون يمكن..!".
إرضاء الستات صعب
فيما اعتبرت الإعلامية سهير جودة، أن "إرضاء الست أصبح شيء نادر أيضًا"، قائلة: "معقول يبقى الشخص الحنين خطر؟ فيه ستات عايشة الحياة فى زلزال، وتبحث عن الرجل المؤذي".
