والدة الشهيد عمر القاضي تهدي السيسي سلسلته.. والرئيس: "هاحتفظ بيها" ويوجه رسالة للمصريين
أهدت والدة الشهيد النقيب "عمر القاضي"، هدية للرئيس عبد الفتاح السيسي، عبارة عن سلسلة نجلها التي تحمل اسمه، قائلة: "حضرتك جبت حق عمر وحق كل شهيد في مصر، ربنا يخليك لينا كمل وإحنا في ضهرك علشان تقضي على الشر وناسه.. أنت غالي عندي وأنا هاديك هدية غالية عليا".
وعقب الرئيس عبد الفتاح السيسي، خلال كلمته على هامش الاحتفال بالذكري 73 لعيد الشرطة، اليوم الأربعاء، قائلًا: "عمر زخر ليكي يوم القيامة.. أنا باشكرك باسمي واسم كل المصريين وباشكرك أنك اديتيني هدية غالية باسم عمر وصدقيني هاحتفظ بيها بكل تقدير، أنا مجبتش حق حد أنتو اللي جبتوا.. وأنا محافظتش.. كل نقطة دم حافظت.. وكل روح راحت لربنا حافظت.. وكل إنسان قدم روحه هو اللي حافظ".
وتابع الرئيس السيسي: "أن بكرر دا في كل مناسبة أن إحنا مش هننسى أبدًا.. ومش لازم ننسى كل بيت قدم شهيد بنشكره ومش هننسى وكل الدعم ليه، ومصر مش هتنساه، مصر عايشة في الأمان والسلام دا عرفان بيتقدم كل يوم لكل أسرة شهيد؛ لأن الثمن الذي قدم لتكون مصر في أمان وسلام هو اولادنا المصريين غالي قوي"، موجهًا رسالة للمصريين: "حافظوا على بلدكم".
