بعد جدل ميزانية أسرة بـ3000 جنيه شهريًا| أول تعليق من دكتورة الاقتصاد المنزلي
علقت روضة حمزة، أستاذ الاقتصاد المنزلي بجامعة حلوان، على حالة الجدل التي أثيرت مؤخرًا عبر مواقع التواصل الاجتماعي بشأن تغطية احتياجات الأسرة بـ3000 جنيه شهريًا.
وقالت "روضة حمزة" في اتصال هاتفي مع الإعلامي عمرو أديب ببرنامج "الحكاية" المذاع على فضائية "إم بي سي مصر" مساء اليوم الجمعة، "أنا اتكلمت على 3000 جنيه تكفي احتياجاتها في بند واحد بحيث ميكونش مورد معين على حساب مورد آخر".
توفير ميزانية وترشيد الاستهلاك
وأضافت "إحنا بنحاول نساعدك في توفير ميزانية وترشيد الاستهلاك والاستغناء وأولويات مش عايزة أقول تصريح معين علشان أعمل تريند أو بقالي 12 سنة بتكلم في كل القنوات وعايزين نفيد الناس، إحنا مش ضدهم ونقدم وجبات متكاملة بأقل قدر ممكن من السعر".
وتابعت "لو هتجيبي لحمة وتعملي منها كفتة الأرز مش عايزة توفري، أنا لا جهة تسعير ولا تحديد دخل أنا اتكلمت على بند الطعام فقط وخزين البيت واقفة مع ربة الأسرة التي توفر بنساعدها بحلول لو معملتيش الميزانية، أنا مش جاية بهاجم ولكن بساعدهم وبنحاول نفيد الناس إحنا مش ضدهم، ولكن الناس كلها بقت نقمة، وده اللي كنت بحاول أكلم الناس فيه".
