محمد موسى يحذر: مخططات هدم مصر "منتهتش" وتستهدف وطننا على كافة الأصعدة
حذر الإعلامي محمد موسى، رواد السوشيال ميديا من الانجراف وراء نشر الأخبار الكاذبة دون التحقق من صحتها، موضحا: "مينفعش أبدًا أي بوست ألاقيه علي الفيسبوك ولا تيك توك ولاغيره أروح معلق عليه وعامل لايك وواخده شير.. خليكم فاكرين وأنت بتاخد شير لبوست من البوستات المشكوك في مصادرها دي فحضرتك بتساعد في هدم بلدك وفي انهيار اقتصادك وبتسوأ سمعة بلدك وبتساعد في تعطيل مسيرة بلدك".
وأضاف محمد موسى خلال تقديم برنامج "خط أحمر" على قناة الحدث اليوم،: "خلينا دايمًا فاكرين إن مخططات هدم مصر منتهتش ومستمرة من جانب مخططي حروب الجيل الرابع والخامس التي تستهدف بلدنا علي كافة الأصعدة.. دايمًا وحضرتك جاي تشير بوست من أي حساب فكر في الكلام المكتوب فيه وفكر في اللي حصل في بلدنا في 25 يناير 2011 وإزاي الشائعات كانت بطل المشهد وأثرت في تخريب بلدنا وفكر في خسائرنا اللي بندفع تمنها لحد دلوقتي".
تابع:: "مينفعش أي حد يكتب أي كلمتين عن جيشنا وأحنا نروح نعلق ونشير من غير ما نفكر أن الهدف من ورا ده هو الطعن في جيشنا وعشان إحنا جيشنا هو جيش الشعب وعقيدته حماية الشعب ومقدرات الشعب هما عايزين دايمًا يوقعوا بين الشعب والجيش وده بعينهم.. مش هيحصل أبدًا لأن شعب مصر كله جيشها وجيشها هو شعبها.. دي عقيدة بخلطة مصرية حصرية مش موجودة بأي بلد في الدنيا غير في مصر".
