تامر أمين منفعلًا على الهواء قبل انتخابات اتحاد الكرة: "عايزين ادارجية مش لاعيبة"
انفعل الإعلامي تامر أمين، على الهواء أثناء حديثه عن فتح باب الترشح لانتخابات اتحاد كرة القدم المقبلة.
وقال "أمين" خلال تقديم برنامجه "آخر النهار" المذاع على فضائية "النهار" مساء الأحد، "انتخابات اتحاد كرة القدم اليوم الأول لتلقي طلبات الترشح لرئاسة الاتحاد وفي اليوم الأول لم يترشح أحد، لسة فيه ناس بتفكر وبتأخذ قراراها وناس بتجهز أوراقها وفي ناس بتعمل مشاورات حول الفريق اللي هيبقى معها".
فوضى كروية
وأضاف "لازم يرشح قائمة بالكامل الانتخابات لها تكتيكات وألعاب كل دي تكتيكات انتخابية، ولكن المهم أن هذا الاتحاد يغادر بسلام والمهم أنهم يرحلوا كلهم مش حتة منه كل من أسهم في المشكلة لا يجب أن يكون جزءً من الحل، اللي عمل المشكلة والسيستم البايظ والفوضى في منظومة كرة القدم يرحلوا ويجوا غيرهم وده القاعدة".
وأردف "ونتمنى أن الجمعية العمومية التي تنتخب تراعي ربنا وتتقي الله لأن أصواتها هي اللي هتجيب، عايزين نجيب الاكفاء اللي عندهم خبرات إدارية وليست رياضية، أنا عايز ادارجية مش لاعيبة مش بنعمل دورة رمضانية وأرجوكم اتقوا الله في اختياراتكم وكل الأندية تتخبط إحنا عايشين في فوضى كروية".
