عمرو أديب ينفعل على تجار البيض: "ارحمونا تعبنا.. الحياة مش مستحملة"
أبدى الإعلامي عمرو أديب، دهشته لاستيراد مصر البيض من تركيا، قائلا: "تخيل وصلنا لمرحلة استيراد بيض تركي بصفاره وبياضه بـ 150 جنيه، وهنا بيبعوه بـ 200 جنيه.. خلاص بيض إنت".
ووجه أديب، خلال برنامج "الحكاية" المذاع عبر فضائية "إم بي سي مصر"، مساء السبت، رسالة إلى منتجي البيض، قائلا: "يا إما أعتدلتم يا إما اعتزلتم.. يا تبيعوا بأسعار كويسة يا نستورد البيض من تركيا، الحياة مش مستحملة، الناس هتعيش إزاي، أنا مع تدخل الدولة لضبط الأسعار".
وأضاف أن هناك أشخاص كانت محتكرة إنتاج البيض في مصر، متابعا: "الاستيراد في هذه الحالة حلال، عايز تقولي أن تكلفة البيض بتاعك بيكلف أكتر من تركيا، لازم يكون في ضرب بيد من حديد، وصلتونا إننا نشجع المنتج الأجنبي، الوطنية مش يعني أني أموت".
وتابع، "ارحمونا كفاية تعبنا.. المواطن هو اللي بيدفع التمن غالي، المواطن بيتقلب على الجانبين، الناس تعبت"، مطالبا وزير التموين بألا يرضخ إلا بعد انخفاض سعر البيض في مصر.
