أديب عن هدم القبة: "في حاجات كتير ممكن تتعمل غير البلدوز"
قال الإعلامي عمرو أديب، إن الجدل المثار حول هدم قبة مستولدة محمد علي باشا يدل على الوعي الثقافي المصري، معلقا: "في بلاد بتتنشأ على حجر".
واستنكر أديب، خلال برنامج "الحكاية" المذاع عبر فضائية "إم بي سي مصر"، اليوم الجمعة، تصريحات البعض أن القبة ليست مسجلة في الآثار، معقبا: "هى آثار مصر بالتسجيل.. ده ملمح من ملامح البلد، هل تقدر تصنع قبة زي دي تاني"، مضيفا: "في حاجات كتير ممكن تتعمل غير البلدوز".
وأضاف، "وجملة عندنا كتير بتقطعني من جوة.. فين وزير الثقافة، إحنا مسمعناش صوت وزير الآثار"، متابعا: "في معلومات بوقف الهدم.. بعد إيه بقت تراب، هو غلطة مصر أن فيها آثار كتير فنكسرها، اللي بيتهد مبيرجعش تاني.. صبرا على الحاجات اللي بتتهد".
