السيسي: "مصر بخير.. وقدرات الجيش كفاية للدفاع عن بلدنا" (فيديو)
تحدث الرئيس عبدالفتاح السيسي، عن الفترة من 7 أكتوبر 2023 وحتى الآن، قائلا: "عاوز أقولكم إن فيه كتير من الأمور المتشابهة بين ما يحدث من اضطراب وأزمة كبيرة وما بين اللي إحنا كنا بنقول عملية إيجاد حل للقضية الفلسطينية، وإعطاء أمل للشعب الفلسطيني في دولة مستقلة عاصمتها القدس، سيكون له أثر كبير جدا جدا في أن كل شعوب المنطقة بلا استثناء؛ تعيش في أمن وأمان وسلام وندخل في مرحلة جديدة مختلفة عما كنا فيه".
وأضاف "السيسي"، خلال كلمته على هامش الندوة التثقيفية الـ 40 للقوات المسلحة بمناسبة الذكرى 51 لنصر أكتوبر المجيد، اليوم الإثنين،: "المهم الذي أثبتته كل الأحداث أن طول ما الشعب المصري متماسك أي حاجة تانية هتتقضي، إلا أن البلد يتعرض لتحدٍ خطير يفقدنا كل الجهد اللي إحنا بنبذله للحفاظ عليه وحماية وشعبنا".
وتابع، أن مصر بخير، وقدرات الجيش كفاية للدفاع عن بلدنا مش عشان نعمل حاجة ضد حد، موضحًا أن هناك تساؤلات حول هل كان مطلوب نجيب أسلحة للقوات المسلحة خلال العشر سنوات اللي فاتت؟ معقبًا: "أنا مش هجاوب على السؤال دة خالص، ومش عشان الحرب اللي موجودة دلوقتي لكن لازم تعرفوا إن الحفاظ على قوة الدولة الشاملة بكل معانيها سواء القوة العسكرية أو الاقتصادية والثقافية وقوة الوعي أمر مهم ونشارك فيه كلنا، لا بد أن تبقى القوات المسلحة والشرطة في أعلى جاهزية وقدرة لحماية البلد".
