تامر أمين لـ "حسام حسن": "اوعى تدي ودانك للي قاعدين ملهمش شغلة"
وجه الإعلامي تامر أمين، مناشدة إلى الكابتن حسام حسن، المدير الفني للمنتخب الوطني، قائلًا "اوعى تدي ودانك للي قاعدين ملهمش شغلة ولا مشغلة".
وأضاف "أمين" خلال تقديم برنامجه "آخر النهار" المذاع على فضائية "النهار" مساء اليوم الأحد، "أنا ليا رجاء ومناشدة في أذن الكابتن حسام حسن، يا كابتن حسام أرجوك متتفرجش على استديوهات تحليل اسمع من أخوك علشان ترتاح وتريح".
منظومة مثل المغرب
وتابع "وإذا كان لا بد تتفرج لا تنفعل وإذا كان لا بد أن تنفعل يببقى متردش، لأن كل مرة بترد بتخسر وكل مرة يحصل حالة بلبلة في الوسط الرياضي وتعطي فرصة للي بترد عليهم قيمة ولكن طول ما تديله قيمة هيحس أنه هو حاجة ويفضل مكمل في اللي بيعمله وتبقى حالة التلاسن".
واستطرد "وإحنا هدفنا جعل المنتخب منتخب أفريقي قوي قادر على المنافسة، وعايزين نشوف زي الطفرة المغربية عايزين منظومة زيها، علشان كده بقولك خليك مركز ومتسمعش للي بيقطعوا في فروة الناس وإذا كان هيوصلك كلام مينفعش ترد على حد أنت مش محلل ولا ناقد أنت في مكان عالي اسمع وطنش".
