وائل جسار يكشف سبب اعتذاره عن المشاركة في مهرجان الموسيقى العربية
كشف الفنان وائل جسار، عن سبب اعتذاره عن المشاركة في مهرجان الموسيقى العربية في دورته الـ32 هذا العام، قائلًا "إزاي هغني وبلدي بتمر بالظروف دي".
وأضاف "جسار" في اتصال هاتفي مع الإعلامي تامر أمين ببرنامج "آخر النهار" المذاع على فضائية "النهار" مساء اليوم الأربعاء، "الشعب المصري ده حبيبي وأنا مدين له بكل حاجة وبحياتي حتى أثبت محبته ليا وإن شاء الله تدوم المحبة بينا".
سبب الاعتذار
وتابع "أنا كنت من الفنانين اللي اتشرف أكون في مهرجان دار الأوبرا وكان عندي الشغف أشارك للمرة الثالثة أو الرابعة أو الخامسة، ولكن قررت الاعتذار لأن مفيش نفسيًا تقدر تغني والناس تشتهد وتعبانة ومش لاقية تأكل وبتنام على الرصيف".
واستطرد "كل الحاجات دي بتأثر فيك تلقائيًا لقيت أنه صعب أطلع على المسرح، لأن دايما الفنان يطلع يفرح الناس ويحسس الناس بالبهجة والفرحة ازاي هحسسهم بالبهجة وأنا عندي ألم على أهلي في لبنان اللي أنا منهم وهما مني وكان وضع صعب عليا".
