بعد حبسه 4 أيام| عمرو أديب: "الموضوع أمين الشرطة اللي مات"
عقب الإعلامي عمرو أديب، على حبس اللاعب أحمد فتوح 4 أيام على ذمة التحقيقات في واقعة دهس أمين شرطة، قائلا: "متخلوهاش حكاية فتوح.. الحكاية حكاية أمين الشرطة اللي مات واداس".
القبض على أحمد فتوح
وأشار أديب، خلال برنامج "الحكاية" المذاع عبر فضائية "إم بي سي مصر"، مساء الأحد، إلى أن الحديث على أحمد فتوح، وماذا عن أمين الشرطة الذي استشهد أثناء عمله، مضيفا: "أكيد الداخلية مش هتسيب أمين الشرطة وإحنا كلنا مش هنسيبه.. قبل أي حكاية لازم نقف جمب الراجل اللي مات".
وأضاف أديب، أن أزمة فتوح ليس لها علاقة بالأهلي أو الزمالك، متابعا: "قولت قبل كده طريق الساحل في ناس بتجري عليه.. ومش هتحس به غير وهما على كبوت العربية.. وكل يوم في مواطن ما راكب عربية ما خبط مواطن ما بيعدي".
وتابع أديب، "المخطىء لازم يتجازي واللي بيموت لازم نعرف هنعمله ايه.. ووزارة الداخلية مش بتنسى اهلها".
