وزير التعليم العالي لطلبة الثانوية: "متخليش المجموع المحرك لاختيار كليتك وتخصصك"
وجه الدكتور أيمن عاشور، وزير التعليم العالي، نصيحة إلى طلبة الثانوية العامة قبل الالتحاق بالكليات والجامعات.
وقال "عاشور" خلال حواره مع الإعلامي أحمد فايق ببرنامج "مصر تستطيع" المذاع على فضائية "دي إم سي"، "نصيحتي ازاي تختار كليتك والتخصص اللي أنت عايز تشتغل عليك، متخليش المجموع هو المحرك الأساسي ولكن بص لسوق العمل ومستقبله".
اختفاء وظائف بالملايين وظهور أخرى
وأضاف "فيه وظائف بالملايين هتنتهي خلال الأربع سنوات وسيظهر خلالها وظائف أخرى بالملايين أيضًا، وبقول للطلبة اختار البرنامج اللي ماشي مع المستقبل بقى الموضوع أنت محتاج ايه علشان تعرف مهارتك تعمل شيفت كارير وتطوير مستمر لمجالك".
وتابع "لو أتخرجت من كلية فرص العمالة فيها أقل عليك أن تقوم بشيفت كارير وتكسب مهارة جديدة للالتحاق بالوظائف المستقبلية من خلال البرامج البينية والمسار التحويلي، اختار اللي أنت بتحبه علشان تقدر تتفوق فيه ادخل أي تخصص انت بتحبه لو اديته واشتغلت عليه أحسن من تخصص أنت مش حابه وداخله لمجرد أن يكون معاك شهادة".
