رسالة تحذيرية من خالد الجندي للآباء والأمهات بشأن تربية أبنائهم (فيديو)
حذر الشيخ خالد الجندي، عضو المجلس الأعلى للشئون الإسلامية، من عدم تربية الأبناء تربية سليمة، لافتا إلى أن البعض ترك التربية والقيم والأخلاق التي تربينا عليها بسبب أما مغيبة أو أبا مشغولًا.
وقال "الجندي" خلال حلقة خاصة بعنوان "حوار الأجيال"، ببرنامج "لعلهم يفقهون"، المذاع على فضائية "dmc"، اليوم الأربعاء: "لازم نربي أولادنا على ايه اللي يليق وإيه اللى لا يليق فعله؟ كانت أمي، والله أقسم بالذي أنزل هذا القرآن، فاكرها زي دلوقتي وأنا صغير، تقوليلي: "افرد ظهرك وأنت ماشي، ما حدش كسر عينك، خلي عندك عزة نفس وأنت ماشي وأنا طفل صغير مش فاهم الكلام ده فهمته لما كبرت زي ما لقمان كان بيقول لابنه: "وَأْقِصْدْ فِي مَشِيكَ وَاغْضُضْ مِن صَوْتِكَ".
وتابع: "يعني لازم الأب والأم يتدخلوا في نبرة صوت بنتهم، صوتك ما يعلاش، صوتك ما حصلش فيه كذا وانت بتتكلمي، وأنت ماشية وأنت بتاكلي وأنت بتبصي وأنت بتضحكي وأنت لابسة وأنت كل حاجة يا جماعة كانوا بيدخلوا في المشي، في الأكل، في الصوت، وأنت بتخبطي على الباب ما تخبطيش أكتر من ثلاث مرات، ولما تخبطي على الباب تتنحي على جنب ما تقفيش قدام الباب وإنت داخل تسلم على اللي موجودين، وواحد صغير وواحد كبير، معدي هو اللي يعدي قبل منك".
واستطرد "وواحد طالع السلم الكبير يطلع قبل منك، ولو ست أنت اللي تطلع قبل منها ما تمشيش، ما تطلعش وراها، وإنت نازلة السلم لازم تنزلي قبل منها، ما تنزليش ورا منها علشان تاخدي بيدها لو حصل أي تعصر أو خلافة، ولازم يكون عينك في الأرض لما تكلمي امرأة، ولازم يكون صوتك واغضض من صوتك، إن انكر الأصوات الصوت الحمير لازم تغسل إيديك، لازم تقصي ضوافرك، لازم تلمع جزمتك، لازم تنظف وشك".
وأردف "لازم تصلي لله سبحانه وتعالى، لازم تشكر ربنا، لازم كل الكلام ده قواعد، فين الكلام ده؟ الكلام ده للأسف الشديد، البعض تركه، لأن أما مغيبه أو أبا مشغولًا، دي الكارثة أعظم مشروع، يا إيها الأب ويا إيتها الأم. هو تربية ابنك اللي هتقابل بيه ربنا يوم القيامة، هو ده عملك الصالح اللي ربنا بيقوله في سورة يس: "إِنَّا نَحْنُ نُحْيِي الْمَوْتَى وَنَكْتُبُ مَا قَدَّمُوا وَآثَارَهُمْ". دي الآثار اللي هتقابل بها الواحد القهار".
