بعد قبولها اعتذار شهد سعيد| خيري رمضان لـ جنة عليوة: "تصرفك راقٍ"
عقب الإعلامي خيري رمضان، على قبول جنة عليوة لاعبة منتخب مصر للدراجات اعتذار زميلتها شهيد سعيد، وتنازلها عن القضية، مشيرا إلى أنه تصرف راق.
وقال رمضان، خلال برنامج "مع خيري" المذاع عبر فضائية "المحور"، مساء الإثنين، إن جنة بقبولها اعتذار زميلتها شهد أعطت مثالا على الروح الرياضية، مضيفا: "مش هنصلب الناس وندفنهم.. ولازم أقول لجنة شكرا على تصرفك الراقي".
وأضاف، "ربما تصرف جنة كان طبطبة على زميلتها التي أخطأت خطأ كبير وكانت محتاجة حد يحنو عليها.. وبقول لشهد راجعي نفسك، الفوز بيخلص ولكن المواقف الإنسانية تبقى طول العمر".
مسمحاها ومفيش أي حاجة معاها
أعلنت جنة عليوة لاعبة الدراجات، قبول اعتذار زميلتها شهد سعيد التي تسببت في إصابتها أثناء أحد السباقات، معلقا: "خلاص مفيش حاجة وراضية بالقرار، طبعا الرئيس النهاردة تحدث عن القيم والأخلاق الرياضية دي حاجة مهمة أوي، كمان حابة أشكر وزير الرياضة، ورئيس اللجنة الأولمبية كمان".
وأضافت جنة عليوة في مداخلة هاتفية مع الإعلامية فاتن عبدالمعبود ببرنامج "صالة التحرير" المذاع على قناة صدى البلد، قائلة: "بجد أنا مسمحاها ومفيش أي حاجة معاها، واتمنى أنها تكلمني ومفيش أي حاجة خلاص مع شهد، وطالما أنا سامحتها خلاص مفيش قضية ولا حاجة".
