خالد الجندي يوجه رسالة عاجلة للشباب: "لا أحد يتكلم نيابة عن الله" (فيديو)
أجاب الشيخ خالد الجندي، عضو المجلس الأعلى للشئون الإسلامية، على سؤال بشأن ما إذا كانت كثرة الذنوب تمنع من التوبة وهل هناك ناس لا يتقبلهم الله.
أمراء الجماعات الإرهابية
وقال "الجندي" خلال تقديم برنامجه "لعلهم يفقهون" المذاع على فضائية "دي إم سي" مساء اليوم الأربعاء، "لا أحد من الناس يتكلم نيابه عن الله، وبالتالي مش من حق حد يقول ربنا زعلان منك".
وأَضاف "انت مين انت معاك تفويض مثلا هو جالك وحي مافيش وحي بعد سيدنا النبي عليه الصلاة والسلام فبالتالي ما حدش يتكلم باسم الإله".
وتابع "أمراء الجماعات الإرهابية اللي عملوا ايه جريمتهم ايه إنه بيتكلموا باسم الله وكان في مسلسل اللي هو بتاع الحشاشين ده اللي قدمته الشركة المتحدة، كان مسلسل مهم جدا بيوجه الناس لحاجه في منتهى الأهمية".
مفاتيح الجنة
واستطرد "بيقول له أنت كل القصة دايره حوالين واحد أوهم غيره أن معاه مفاتيح الجنة فهل هناك واحد معه مفاتيح الجنة أكيد لا وبالتالي كل إنسان يؤخذ منه ويرد".
وأكمل "احتمال الخطأ والصواب وارد من كل إنسان فما فيش حد يمضي على بياض لحد وبالتالي عيب بعض الأولاد في الجيل في الجيل بتاعكم ويعني للأسف عيب البعض ما انا مش بعمم ان هم بيصدقوا كل ما يقعد في السوشيال ميديا بيقبلوا أي خبر من غير تريث أو تثبت".
وواصل "ممكن يزعزع ثوابت عندك وثوابت عندك ودي مشكله كبيره جدا يعني استعدادك لتصديق كل ما يقال ويكتب على السوشيال ميديا".
وأردف "بعض الناس فاكر أن واحد يكون عنده مدونه على النت إنه ده سيدنا جبريل اللي بيكتب ده بعض الناس فاكر إنه مجرد أن واحد بيقول رأيه في مسألة أن ده الإمام الشافعي اللي كتب رأيه الفقهي في المسألة".
