الرئيس السيسي لـ المصريين: "زنقت نفسي عشان أعمل دولة.. مفيش خيارات تانية"
وجه الرئيس عبد الفتاح السيسي، رسالة إلى المصريين، قائلا: "تفاءلوا واطمئنوا من اللي إحنا بنعمله بفضل الله.. اللي بنعمله بنقوله لما يخلص ونفتتحه".
وأشار السيسي، خلال كلمته في افتتاح المرحلة من موسم الحصاد بمشروع مستقبل مصر للتنمية المستدامة، اليوم الإثنين، إلى أنه كان هناك هدر في الشون، مضيفا: "الشون اللي في الأرض أفضل ولا الصوب.. بس هتعمل الصوب منين، فتضطر ترمي القمح بتاعك على الأرض الطير ياكله".
وأضاف السيسي، "في ناس تقولك ما إنت زنقت نفسك وزنقتنا.. صحيح بس معنديش خيارات تانية، زنقت نفسي وزنقت الدولة عشان نعمل دولة، واللي بيتعمل آثاره يوم عن يوم تعود للدولة التي تنمو أكثر من 2 مليون إنسان في السنة"، موجها الدعوة إلى القطاع الخاص للعمل مع الدولة، قائلا: "وجودكم يسعدنا وكل التسهيلات تقدم لكم".
