عزة مصطفى تُحذر: "فيه مناطق بمصر كلها لاجئين" (فيديو)
حذرت عزة مصطفى، من توسع اللاجئين في مصر ووجودهم الكبير الذي أصبح ملفتًا للنظر، قائلة "عندنا مناطق في مصر كلها لاجئين".
وقالت "عزة مصطفى" خلال تقديم برنامجها "صالة التحرير" المذاع على فضائية "صدى البلد" مساء اليوم السبت، "الفكرة أنه أخذ منحى شعبي يا جماعة فيه مناطق بحالها المصريين سابوها ومشيوا لأن اللاجئين مش عايزة اقول سيطروا ولكن رفعوا الإيجارات بشكل مرعب".
الموضوع خطير ويحتاج لمعالجة
وأضافت "المصريون مبقاش عندهم القدرة أنهم يدفعوا، ودي مشكلة على المستوى الرسمي تكلف الدولة 10 مليار دولار الموضوع أكبر من كده بكتير، فيه مناطق كاملة في فيصل والمعادي ومصر الجديدة ودي مناطق بس في القاهرة متكلمتش على باقي محافظات مصر".
وتابعت "هما موجودين في كل محافظات مصر وبكثافة شوارع ومحلات وخدمات وشقق الناس سابت كل ده لأن بقى العرض من اللاجئين بأسعار المصريين مش قادرين عليها سابوا الأماكن، الموضوع خطير ومحتاج معالجة ولازم نتكلم فيه بصراحة ليه إحنا لا نتعامل في مصر مثل أي دولة ليه المصري لما يسافر ويرتكب أي خطأ نقعد نغلطه وأنت مشيت غلط ليه بنجلد نفسنا وليه بنسيب حقنا".
