أسامة كمال بعد تقاريرها ضد الاقتصاد المصري: "بلومبرج رأس الحربة في أي خلاف مع أمريكا"
فتح الإعلامي أسامة كمال، النار على وكالة بلومبرج، بعد تقاريرها التي هاجمت فيها الاقتصاد المصري، معقبًا "بلومبرج هي رأس الحربة في أي خلاف مع الولايات المتحدة الأمريكية".
تقاريرها "مضروبة"
وقال "كمال" خلال تقديم برنامجه "مساء دي إم سي" المذاع على فضائية "دي إم سي" مساء اليوم الأحد، "عايز أٌقول لبلومبرج اللي كتير اتكلمت عن تقاريرها المضروبة وتصديرها الإشاعات أنها جزء من حرب ضد الاقتصاد المصري".
وأضاف متسائلًا "في التقارير بتاعتكم ايه مصدر معلوماتكم أنتوا كلامكم جايبينه منين زي العيال من على السوشيال ميديا، يعني البنك الدولي وصندوق النقد وأي تقارير طالعة من مؤسسات دولية محترمة مش مكفياكم، ده حتى الدول داخل الحروب الحقيقية اتكلمتوا عنها كويس، عندنا اللي نقدر نرد به عليكم مش بس للي يخصصنا ولكن للي يخص غيرنا".
وتابع "حتى رئيس وفد الاتحاد الأوروبي قال إن مصر أخذت قرارات اقتصادية صحيحة وأثرها يحتاج إلى وقت، وشبكة التمويل المصرفية رفعت مصر إلى مركز متقدم وتم رفعه أربع مرات وانتقلت من مرحلة الإبداع ثم التأسيس ثم التطبيق بعد الهجوم عليها قفلوا الخبر على مجموعة ضيقة من الناس أو حذفوا الخبر ولو كانوا غلطانين كان لازم يعتذروا".
