السيسي: "بقولكم على شغل يجبلكم 100 ألف دولار شهريا.. يا مصريين اسمعوا الكلام ده"
حث الرئيس عبد الفتاح السيسي، المصريين على الاهتمام بوظائف البرمجة، قائلا: "بدخلوا أولادكم آداب وتجارة وحقوق مع احترامي لهم، هيطلع يشتغل ايه، والابن يكون زعلان مني ومن الحكومة".
وأضاف السيسي، خلال كلمته بافتتاح مركز البيانات والحوسبة السحابية الحكومية، اليوم الأحد، "أنا بقولك على حاجة هتشتغلها وإنت في بيتك وهتعمل 20 ألف دولار في الشهر وممكن توصل لـ 100 ألف دولار في الشهر"، مناشدا المصريين الاهتمام بمجالات وقطاعات التكنولوجيا في التعليم والعمل.
وتابع، "يا مصريين اسمعوا الكلام ده.. إذا كان عندنا 25 مليون طالب في التعيلم الأساسي مفيش حد يقول الطلاب ده عنده فرصة خدوه وعلموه هذا التعليم.. لأجل خاطر بلدنا مصر حطوا عنيكم على الكلام ده عشان ننقيهم وندربهم ونجهزهم".
