علي جمعة عن معرفة الزوجين "باسوورد" بعضهما: الإنترنت السبب الثاني للطلاق
أجاب الدكتور علي جمعة، مفتي الديار المصرية السابق، على سؤال لأحد الحضور حول هل يجوز للزوج أو الزوجة معرفة باسورد هواتف بعضهما؟.
وقال "جمعة"، خلال تقديمه برنامج "نور الدين"، المذاع عبر القناة الأولى، اليوم الاثنين،: "ولا من حق الزوج يعرف خصوصية الزوجة، ولا هي كمان، وعليهما احترام الخصوصية فيما بينهما، وده بيقلل المشاكل ما بينهم".
وأضاف: "لما عملنا بحث قبل ظهور الانترنت، عن أسباب الطلاق كانوا ٧ حاجات، أولهم الحالة الاقتصادية وبعدها تدخل الأهل، وازمات الحياة، وبعد ظهور الانترنت، أصبح السبب الثاني في الطلاق".
وتابع: "اطلقتوا ليه يا ولاد علشان شوفتها بتكلم واحد، أو شافته بيكلم واحدة، ويبقوا هم الاتنين بيحبوا بعض وعندهم عفاف بس زل المرة دى هنعمل ايه طيب، نرحم بعض شوية.. كل القيم الدينية تؤدى إلى لا أبص لموبايلها ولا تبص لموبايلي، وده مش معناه تعمل شات منحرف ولا هو كمان يعمل كده، لا لازم يكون في عفاف".
