طفل: ليه ربنا مخلاش النبي عايش لحد دلوقتى.. وعلي جمعة: "كانت تبقى ورطة"
أجاب الدكتور علي جمعة، مفتي الديار المصرية السابق، على تسأل طفل قال خلاله: "ليه ربنا مخلاش سيدنا محمد عايش لحد دلوقتى؟".
وقال "جمعة"، خلال تقديمه برنامج "نور الدين"، المذاع عبر القناه الأولى، اليوم الأحد: "دي كانت هتبقى ورطة كبيرة، وكل لما هو عايش عليه الصلاة والسلام، كل ما الوحى نازل والدين يتسع، والأوامر بتكتر والتكاليف بتكتر".
وتابع: "ده تخيل منك يا جدع أنت ده حاجة غريبة جدا، سيدنا النبي قال لنا (حياتي خير لكم ومماتي خير لكم تعرض علي أعمالكم فإن وجدت خير حمدت الله، وإن وجدت غيره استغفر لكم)"، مردفًا: "سيدنا النبي محمد صلى الله عليه وسلم، أعطانا أوامر صلاه وصوم وغيره، لو كان عايش كان زمانهم 600 تكليف، وربنا خلاه مش موجود دلوقتي رحمة بنا، صحيح إحنا اتحرمنا من إننا نشوفه، أو نتبرك به".
وأكد مفتي الديار المصرية السابق، ردًا على سبب اختيار سيدنا محمد -صلى الله عليه وسلم- لنزول القرآن عليه، أن الله سبحانه وتعالى أنزل كلام كتير على الرسل، في كلام نزل على سيدنا موسى سمي بالتوراة، وهناك كلام نزل على سيدنا عيسي سموه الانجيل، وهناك كلام نزل على سيدنا إبراهيم سموه صحف إبراهيم، وسيدنا داوود الزبور".
