الرئيس السيسي: أنا قلبي حديد ومفيش مسئول قوي إلا بناسه
ألقى الرئيس عبد الفتاح السيسي رئيس الجمهورية، كلمته خلال حفل إفطار الأسرة المصرية، وحرص على التواصل مع عدد من الحضور.
الصلابة تأتي من الشعب
وردًا على أحد الحضور الذي دعا للرئيس السيسي بأن يعينه الله، قال الرئيس: "معانا جميعًا، أنا قلبي حديد، بالله، في السنين اللي فاتت كان في أيام صعبة جدًا عدت علينا، وكل حادثة بتحصل جوة مصر في أي حتة ويسقط فيها مصريين مدنيين أو من الجيش والشرطة، ما لقتش مرة واحدة سيدة مصرية زوجة كانت أو أم وجت قالتلي كلمة تألمني على موضوع سقوط ابنها شهيد أو مصاب".
وأضاف الرئيس السيسي: "الصلابة جاية من هنا، كان دعم الشعب المصري في الحالة دي لأكتر من 9 سنين، وقدرنا علشان كده نكمل، مفيش مسئول قوي إلا بناسه، ووقت ما الناس تتخلى عنه لو عنده كرامة يسيبها ويمشي، الحكام مش أقوياء بنفسهم، إنما بناسهم".
واختتم الرئيس السيسي حديثه: "عملنا خلال السنين اللي فاتت شغل كبير في عملية البناء، بمنع ضياع الدولة، وعملنا على الأرض لتكون معالم دولة تناسب الوقت اللي موجودين فيه، ومسئولين كلنا نتحرك لبناء وصياغة الشخصية المصرية علشان السنين القادمة، لما باتكلم على تعليم جيد إحنا جادين في هذا الأمر، وعن التأمين الصحي الشامل إحنا جادين في هذا الأمر".
