أديب مستنكرا رفض أرض الحزب الوطني للاستثمار: "هتخلوه عشان يسرا وعادل إمام"
ثمن الإعلامي عمرو أديب، طرح مبنى الحزب الوطني القديم للاستثمار، قائلا: "هتعملوا بيها ايه.. خلي الدنيا تتحرك"، مستشهدا بتطوير منطقة مثلث ماسبيرو، معقبا: "كانت مزبلة.. والدولة شالت العار ده من قلب القاهرة وبنت لهم عمارات، كانوا قاعدين في عشش، ودلوقتي عايشين في برج على النيل".
أرض الحزب الوطني
وقال أديب، خلال برنامج "الحكاية" المذاع عبر فضائية "إم بي سي مصر"، مساء الأحد، "خلوا البلد تتنفس، لازم الدنيا تتفتح"، مصر في حاجة إلى مليون فرصة عمل سنويا، وتكلفة فرصة العمل الواحدة 100 ألف جنيه، متسائلا: "هل عار العشوائيات موجود في مصر حتى الآن؟، والإجابة لا.
وأضاف الإعلامي عمرو أديب، "والمصحف كنا بنبص فالأرض، كان بيتعمل عننا أفلام معفنة"، متابعا: "البلد عايزة إيد مش مرتعشة، ليه محسسني أن في فلوس في مغارة علي بابا".
وعن طرح مجمع التحرير للاستثمار، عقب مندهشا، "إنتم محتاجين المجمع في حاجة، هل هتخلوه عشان اتصور فيه الإرهاب والكباب.. هتخلوه عشان يسرا وعادل إمام".
