مصطفى كامل ينعي حلمي بكر منفعلًا: "أبويا وصديق عمري وكله هيبان بالقانون" (فيديو)
نعى الفنان مصطفى كامل، نقيب الموسيقيين، وفاة الموسيقار حلمي بكر الذي وافته المنية اليوم الجمعة عن عمر ناهز الـ86 عامًا بعد صراع طويل مع المرض.
النقابة لم تقصر في حقه
وقال "كامل" في اتصال هاتفي مع الإعلامي جابر القرموطي ببرنامج "مانشيت" المذاع على فضائية "سي بي سي" مساء اليوم الجمعة، "البقاء لله بقالنا شهر بنطالب الراجل يجيلنا المستشفى".
وأضاف "يقولونا أصله طالع يعمل نقاهة هاتولنا الراجل طالبنا أخواته وقولت لابنه انزل أنا قلبي حاسس أنت الوحيد القادر أنك تأخذه من هذا المكان".
وتابع "أنا مش هدخل في كلام مش بتاعي أنا بناشد وقولت إحنا جاهزين والنقابة على أتم استعداد لكل حاجة علشانه، كل حاجة هتبان للرأي العام".
أبويا وصديق عمري
واستطرد "الفترة الأخيرة اتقال علينا كلام من ناس تخص الأستاذ حلمي ونادية مصطفى تدخل تعمل مداخلات ونقول هاتولنا الراجل، أنا لسة كاتب بوست عندي قولت ربنا يطمنا عليك وحسبي الله ونعم الوكيل".
وأردف "ده أبويا وصديق عمري وأخويا الكبير وأستاذي إحنا بنشحته بقالنا شهرين، أخواته راحوا اتحكى حكاية غير اللي بتتقال من الصحافة والإعلام".
جايلنا حالة انهيار
واستطرد "أنا راجع بيتي هتجنن قالوا ده أخيرًا خرج وهيروح وفتحنا مستشفى المعادي بس كنا كلنا عارفين، المجلس كله وطلعنا في برنامج الأستاذة لميس ادونا الأستاذ حلمي".
وأردف "فيه قانون لأنه كان فيه احتكاك معايا ومع النقابة بقالنا شهرين، فيه أمور كثيرة لما ينزل ابنه هتبان، إحنا جايلنا حالة انهيار وقولت لابنه اليوم اللي هينزل والدك علشان يروح مستشفى هينزل علشان اتوفى".
