الشرقية للدخان: "السيجارة كلها مستوردة وأسعارها أقل زيادة حصلت بين باقي السلع" (فيديو)
قال هاني أمان، الرئيس التنفيذي لشركة الشرقية للدخان، إن أسعار السجائر هي أقل زيادة حصلت في الأسعار مقارنة بأسعار السلع الأخرى التي ارتفعت بصورة كبيرة.
ارتفاع أسعار المواد الخام
وأضاف "أمان" في حواره عبر تطبيق زووم مع الإعلامية كريمة عوض ببرنامج "حديث القاهرة" المذاع على فضائية "القاهرة والناس" مساء اليوم السبت، "إحنا رفعنا 3 جنيه من 27 إلى 30 ولكن عمليا الأسعار نزلت بالسوق".
وتابع "صحيح إحنا بنفتح اعتماداتنا من البنك ونحصل على الدولار بـ30 بعد ما كنت بحصل عليه بـ15 يعني بقى الدبل وسعر المواد الخام وصلت من 300 إلى 400 في المئة".
مجمع صناعي ضخم
واستطرد "السيجارة كلها مستوردة حتى الحجات اللي بنشريها من مصر بيكون أساسها مستورد يعني كل السيجارة مستوردة وسعر المادة الخام كلها رفعت".
وأردف "الشرقية للدخان هي مجمع صناعي ضخم، يعني الفلتر اللي بنصنعه المادة الخام بتاعته بجيبها من بره، إحنا بنشتري المادة الخام ونعمل لها تصنيع وعندنا مصنع طباعة للورق وحتى الصمغ اللي بنستورده من شركة محلية الشركة تستورد المادة الخام الخاصة به من الخارج".
