بعد زيارة وزير الصحة.. عمرو أديب: "الموظف العام في مصر بيشتغل على قد الفلوس"
قال الإعلامي عمرو أديب، إن الموظف العام في مصر "بيشتغل على قد الفلوس" إلا من لديه ضمير، مضيفا: "يقعدوا يلفوا الدنيا عشان يتعينوا فالمكان، وأول ما يتعين يغيب، المفروض اللي ميجيش يترفد".
الموظف العام في مصر
وأشار أديب، خلال برنامج "الحكاية" المذاع عبر فضائية "إم بي سي مصر"، مساء اليوم السبت، إلى أن وزير الصحة زار إحدى المستشفيات بشكل مفاجىء ولم يجد أطباء، مضيفا: "أنا كمواطن لما أروح مستشفى وملاقيش أطباء أقول إيه، تخيل تروح مستشفى يقولك الدكتور مجاش".
وأضاف، "مش محتاجة الوزير يدور على الدكتور، فين مدير المستشفى"، لافتا إلى أن هذا الأمر غير موجود في أي دولة بالعالم، معلقا: "هو أنت أكتر من الدكتور اللي ييشتغل في غزة تحت ضغط.. يرضي مين أن مستشفى قويسنا يكون فيها كمية الغيابات دي، البلد اللي اخترعت الضمير مفيش فيها ضمير في بعض الأنحاء، هيفضل الموظف المصري لغز الألغاز"، ولن تتقدم مصر إلا بالإصلاح الوظيفي.
وطالب أن تجرى دراسة حالة لمستشفى قويسنا، قائلا: "نشوف الفلوس اللي بندفعها من دم قلبنا بتروح فين".
