عزة مصطفى تفتح النار على التجار: "ليه لما الدولار نزل 15 جنيه الأسعار منزلتش" (فيديو)

فتحت الإعلامية عزة مصطفى، النار على التجار في ظل استمرار الارتفاع الجنوني في أسعار السلع.

انخفاض الدولار واستمرار ارتفاع السلع 

وقالت "عزة مصطفى" خلال تقديم برنامجها "صالة التحرير" المذاع على فضائية "صدى البلد" مساء اليوم الأحد، "أنت مش ملاحق مش ملاحق تقرأ الأخبار وتتابع الارتفاعات المريبة ايه يا جماعة فيه ايه".

وأضافت "التجار بيزودوا السعر مش كل يوم لا كل ساعة ويقولك الدولار زاد الدولار عدى، الدولار بينزل بالـ15 والـ20 جنيه في السوق السوداء الأسعار مكملة ليه في الزيادة".

وتابعت "كيلو اللحمة بـ420 والفراخ بـ110 والبانيه بـ220، والأرز بـ40 ليه، السوشيال ميديا وصل بها الحال الكمون بقى بـ 500 جنيه".

التاجر عايز رقيب عليه 

وتساءلت "ليه التجار لما الدولار ينزل اللي ماسكين في شماعته الحاجة مبتنزلش، العيش لم تيجي تشتريه من المخابز هتلاقي حجمه معقول الصبح وبالليل الرغيف اتسخط وبقى لقمتين".

وأردفت "بالليل مفيش حد يقف على دماغه، التاجر بقى عايز رقيب علشان يلتزم وميغشش الناس وميخزنش البضاعة إحنا مكملين كده لفين ولإمتى".