"مستريح جديد في الدقهلية".. وضحاياه يرون التفاصيل (فيديو)
كشفت إيمان عبد العزيز، إحدى ضحايا مستريح الدقهلية، تفاصيل تعرضها للنصب من مستريح جديد ظهر في الدقهلية.
وقالت "إيمان عبد العزيز" في اتصال هاتفي مع الإعلامية كريمة عوض ببرنامج "حديث القاهرة" المذاع على فضائية "القاهرة والناس" مساء اليوم السبت، "كان فيه ناس حاطة الفلوس وقولت اديله الفلوس أنا كمان".
بعت للناس بلطجية
وأضافت "أنا وديت له 270 ألف وهو عنده شركة أدوية في المنصورة وقال الفائدة 20%، أنا أخذت منه 5 آلاف جنيه لمدة شهرين، أنا كنت حطاهم في البنك وسحبتهم وفي ناس قبلي مودية وأنا علشان كده وديت له الفلوس".
وتابعت "جوزي مسافر وكان بيبعتلي الفلوس وأنا بعت شقتي وديتهم كمان، أنا مش عايزة منه حاجة أنا عايزة فلوسي فيه ناس غيري راحت الشركة بتاعت وبعت لهم بلطجية ضربوهم ومحدش من أهله بيحل وقالوا ملناش دعوة".
القبض على ابن المستريح
وفي ذات السياق قالت رئيفة محمد السيد، إحدى الضحايا أَيضا، إنها استثمرت أكثر من 300 ألف جنيه مع مستريح الدقهلية.
وتابعت "تم القبض على ابن مستريح الدقهلية بسبب النصب على عدد كبير، وعرفنا أنه مديون بـ181 مليون من الدقهلية والبلاد المجاورة".
