هجوم عنيف من نائب على وزير التموين (فيديو)
استعرض الإعلامي أحمد موسى، حديث نواب البرلمان مع وزير التموين الدكتور علي مصيلحي خلال جلسة مجلس النواب خلال الساعات الماضية.
ورونا عرض كتافكم
وكشف موسى خلال برنامجه "على مسئوليتي"، والمذاع عبر فضائية "صدى البلد"، "وقال النائب عبد المنعم إمام موجهًا حديثه إلى وزير التموين: "معالي الوزير قال الناس قبل كده أنا باعتذر للناس جامد، وأنا باقولك يا معالي الوزير اعتذارك مرفوض جامد".
وقال في حديثه الموجه إلى وزير التموين: "إن وزارة التموين أثبتت إن مصر معندهاش مشكلة في قلة الفلوس، عندها مشكلة في زيادة اللصوص، وأثبتت وزارتك وسنت سنة لم يأت بها أحد من العالمين، إن بلد عندها اكتفاء ذاتي من البصل والسكر يبقى عندها أزمة فيهم".
وأوضح في الحديث إلى وزير التموين: "إن وزارة التموين أصبحت وزارة المعاشات باقتدار، كل الناس اللي بتطلع معاشات بيتمدلها سنوات وكل الكوادر معندهاش فرصة تترقى وتكبر".
وأضاف: "نص البلد بيقبض الحد الأدنى للأجور 4 آلاف جنيه، وأقل أسرة محتاجة 200 جنيه في اليوم أكل يعني 6 آلاف جنيه في الشهر أكل بس، وأنا بقولك يا وزير التموين خد 4 آلاف جنيه وعيش نفسك أسبوع زي اللي المواطن عايشه".
وتابع: "اللي بيحصل ده سياسة مجحفة للشعب المصري، غير مقبول نخير الشعب بين إنه يبقى جعان وفقير أو يمد إيده ويمشي غلط ويبقى حرامي، لأ في خيار تالت، إنكم تورونا عرض كتافكم".
