عمرو أديب عن الانتخابات الرئاسية: "بلاش أوفر.. ومش محتاجة تكون مسرحية"
قال الإعلامي عمرو أديب، إنه يجب أن يشارك في الانتخابات الرئاسية أكبر قدر من المواطنين، معلقا: "بلاش كوميديا المرشحين بتاعة أنا حصلت على أعلى الأصوات في المنطقة الفلانية.. ده مش من حقك ومش صحيح".
الانتخابات الرئاسية 2024
وأشار أديب، برنامج "الحكاية" المذاع عبر فضائية "إم بي سي مصر"، مساء السبت، "محدش يقولي بقفل الصناديق، كده تبقا معجزة انتخابية، وتبقا إنت سعد زغلول إنك في شهرين توصل لكده"، موجها رسالة إلى الناخبين المصريين، قائلا: "بلاش أوفر.. أرجوك لا تفعل أشياء أوفر".
وأضاف الإعلامي عمرو أديب، "مش محتاجة تكون مسرحية.. خليكم تعرفوا الناس بتقول إيه، عايزين انتخابات طبيعية، هى مش محتاجة"، متابعة: "في حد في المرشحين ممكن يكون عنده حاجة ما بعد كده".
وتابع: “بلاش تعملوا إرهاب فكري لبعض كل واحد يختار اللي شايفه مناسب.. لا تتنمروا بأحد، إحنا شعب لسه بيخاف من الديمقراطية، الموجة العالية الآن تتكون من كلمتين لا تذهب.. روح وعبر عن رأيك حتى لو هتقول لاء”، لافتا إلى أن مصر هى الدولة الوحيدة في المربع الذي تقع فيه التي بها انتخابات.
