خيري رمضان: "اللي بيلعب مع مزاج المصريين يبقى بيلعب في عداد عمره" (فيديو)

علق الإعلامي خيري رمضان، على الارتفاع غير المسبوق لأسعار السكر والشاي المحلي بعد مقاطعة نوع آخر من الشاي العالمي ضمن حملات المقاطعة لبعض الماركات مع استمرار العدوان الإسرائيلي الغاشم على قطاع غزة.

خيري رمضان: مصر قاتلت لإدخال المساعدات إلى قطاع غزة

عاجل.. خيري رمضان يفتح النار على داليا زيادة: "ستظلين محتقرة"

اللعب في مزاج المصريين 

وقال "رمضان" خلال تقديم برنامجه "حديث القاهرة" المذاع على فضائية "القاهرة والناس" مساء اليوم السبت، "اللي بيلعب مع مزاج المصريين يبقى بيلعب في عداد عمره".

وأضاف "كوباية الشاي الكشري ارتفع سعرها بصورة كبيرة والمقاطعة اللي تمت لشاي مستورد رغم إني ضد المقاطعة لشركات تعطي دخل لمصر وتدفع ضرائب، ولكن أنا مع المقاطعة لشركات أجنبية".

وتابع "فالشاي المحلي زاد بنسبة كبيرة ووصل إلى 2340 جنيه بعدما كان 2076 جنيه يعني كل حاجة بقت غالية الشاي والسكر بقى بـ50 جنيه علشان احتكار رغم أن إحنا اللي بننتجه".

مزاج المصريين أمن قومي 

واستطرد "ولكن التجار اللي بيحتكروا هذا دور وزارة التموين فين يا وزارة التموين، والدكتور محمد مصليحي فيه ناس بيلعبوا في مزاج المصريين ويعكننوا عليهم دول مكانهم السجن".

وأردف "لآن مزاج المصريين أمن قومي والمصري صاحب مزاج والمزاج بيجيب نكتة والنكتة بتجيب ضحكة والضحكة بتفرج الهم والغم اللي حاصل بسبب الظروف الاقتصادية فتيجي تعكنن عليا بسبب معلقتين سكر وكوباية شاي".