تامر أمين يوجه رسالة لـ بيومي فؤاد بعد هجومه على محمد سلام
عقب الإعلامي تامر أمين، من جديد، على الأزمة المثارة مؤخرًا حول الفنان بيومي فؤاد، بعد انتقاده للفنان محمد سلام، الذي اعتذر عن المشاركة في مسرحية "زواج اصطناعي"، بموسم الرياض بالسعودية، بسبب استمرار العدوان الإسرائيلي على غزة.
كل شخص حر
وقال تامر أمين، خلال حلقة اليوم من برنامجه "آخر النهار"، المذاع عبر فضائية "النهار"، مساء إن بيومي فؤاد ليس من حقه الحديث عن هذا الموضوع، موكدًا أن كل شخص حر في اتخاذ الموقف الذي يناسبه.
استفزاز الجمهور المصري
وأشار إلى أن بيومي فؤاد تصدر المشهد طواعية، وتسبب في استفزاز الجمهور المصري دون مبرر، قائلًا: "انت كنت عايز تدافع عن نفسك وعن المجموعة اللي سافرت واشتغلت، الزاوية الوحيدة اللي كان ينفع تتكلم فيها، إنك تقول إن ده شغلنا إحنا ملتزمين تجاه شغلنا، وإن ده ما يمنعش أبدًا تضامننا مع الشعب الفلسطيني الشقيق".
فيديو سلام
وأضاف: "أما إنك تطلع تضرب في محمد سلام، وتقول إنه أهان فنه، على فكرة أنا سمعت فيديو سلام ومفيهوش أي إهانة للفن، الراجل بيقول أنا مش قادر، هو حر".
ايه علاقة السعودية؟
وتابع: "قلت إحنا بنحب السعودية أوي، هو إيه دخل حب أو كره السعودية في الموضوع، القصة في الشغل، إيه علاقة السعودية؟! وإنك تقول إن ليك الشرف أنك تتصور مع مواطن سعودي، النجوم والفنانين كل الناس هي اللي ليها الشرف أنها تتصور معها".
مش جايين عشان الفلوس
وأشار تامر أمين إلى أن: "تصريح إننا مش جايين عشان الفلوس، إيه دخل الفلوس في الموضوع، ذكر الفلوس هو اللي جابلك الكلام، كلنا بنشتغل عشان الفلوس هو في حد بيشتغل مجانا، والشغل عشان الفلوس الحلال مش عيب، ده شرف، بس اللي إحنا بنعمله لازم يكون رسالة، لكن السؤال الضحك إمتى؟! ووقته عامل إزاي؟!".
