عمرو أديب عن دعوات المقاطعة: "بلاش سذاجة.. هو إحنا ناقصين"
عقب الإعلامي عمرو أديب، على مقاطعة منتجات الدول الداعمة للكيان الصهيوني، مشيرا إلى أنها تسير بشكل جيد سواء في مصر أو خارجها، ولكن هذه المقاطعة لا تصل لأصحابها، معلقا: "هما مش حاسين خالص".
تأثير دعوات المقاطعة
وأشار أديب، خلال برنامج "الحكاية" المذاع عبر فضائية "إم بي سي مصر"، مساء الجمعة، إلى أن المواطن المصري هو من يتأثر بهذه المقاطعة، مضيفا: "لما المبيعات بتتأثر الغلابة هى اللي بتمشي وهذا يحدث في وضع اقتصادي مؤلم، الناس اللي بتمشي بتبقى في الشارع".
وأضاف أديب متسائلا: "مين هيقف جمب الناس دي، مين هيأكلهم.. الدولة متقدرش، مصر أولا يا جماعة مين هيقف جمبهم، البنزين بتاعنا مستورد ليه مش بتقطعوه، أرجوكم خدوا بالكم من اللي بتعملوه، كل اللي بتشوفه في ستاربكس اللي بتعمله شركة مصرية، بلاش سذاجة هو إحنا ناقصين".
ولفت إلى أن هذه المقاطعة لم ولن تؤثر، معلقا ساخرا: “يعني عم ماكدونالدز قال ياخرابي يعني المصريين مبقوش ياكلوا بيج ماك”.
