تعليق مهم من عمرو أديب بشأن تصريح السيسي عن هدم البلاد
كشف الإعلامي عمرو أديب، أنه تم تداول تصريح الرئيس عبدالفتاح السيسي، بشأن إمكانية هدم البلاد بشريط تارامادول و100 جنيه بشكل خاطىء، قائلا: "الريس بيقول لو حد استغل بؤس الناس وعناء الناس أنه يعطيهم أموال واغراءات البلد تغرق، ولذلك لازم تأمن الناس".
وقال أديب، خلال برنامج "الحكاية" المذاع عبر فضائية "إم بي سي مصر"، اليوم الأحد، "الناس قالوا السيسي بيقول أنه معاه توليفة هد البلد"، متابعا مستنكرا: "ده كلام، الريس مقالش كده، أنا مش بدافع عن الريس ولكن مينفعش تقصوا من كلامه، أنا مش بطبل، أنا بقول الحقيقة".
تصريح الرئيس السيسي في مؤتمر حكاية وطن
وأكد الرئيس عبد الفتاح السيسي، أنه كان يتحدث مع المجلس الأعلى للقضاء صباح اليوم وقال لهم “تخيلوا أنا أقدر أهد مصر بـ 2 مليون جنيه"، فاندهشوا من حديثه، فقال لهم: "أدي باكتة و20 جنيه وشريط ترامادول لـ 100 ألف إنسان ظروفهم صعبة وأنزله يعمل حالة مش هديله 20 هديله 1000 جنيه الدنيا غليت، هنزلهم 10 أسابيع بمليار جنيه، يعني 30 مليون دولار ناس بتصرفهم في حفلة".
وأضاف "السيسي"، خلال كلمته على هامش جلسات اليوم الثاني لمؤتمر "حكاية وطن.. بين الرؤية والإنجاز"، أمس الأحد، "يبقى لما آجي أدفع 85 مليار جنيه للقضاء على العشوائيات للأسرة اللي مرمية في الشوارع وفي المقابر في الصفيح والبلد اللي مش لاقية تاكل تفرش لهم الشقة كمان طبعًا: "لو كنا بنفهم يعني إيه أمن قومي هنعمل اللي بنعمله وأكتر واحنا تعبانين ومعناش نعمل كده أيوه، حتى لا يكون لدينا ثغرة يمكن استغلالها في نظم الحرب الحديثة لهدم الدول".
وأردف،: "محدش هيهاجمك كتير من بره بشكل مباشر لأن ده تبعاته ضخمة ومكلفه جدًا حتى من منظور القانون الدولي والنظام العالمي، بس إنت ناس عندكم بتتحرك وتخرج تتظاهر هنعملكم ايه".
