مصطفى بكري: الإخوان يتحدثون علنا عن دعم أحد المرشحين في الانتخابات الرئاسية
أكد الإعلامي مصطفى بكري، أنه شخص وطني ومصري حتى النخاع، ولم يكن من أغنياء القوم، بل وُلد في أحد قرى الصعيد بشكل طبيعي مثل أي مواطن مصري بسيط: "أنا راجل مصري غلبان، مش متربي في فمي ملعقة دهب، أنا مولود في تراب البلد دي، وعمري ما أخونها، ولا أسيء لمؤسسات وجيش الدولة المصرية".
مصطفى بكري يطالب بمحاسبة رجال الأعمال الذين يهربوا أموالهم من مصر
وأضاف "بكري"، خلال تقديمه برنامج "حقائق وأسرار" المذاع من خلال قناة "صدى البلد" اليوم الجمعة، أنه من الممكن لأي شخص الاختلاف مع الدولة المصرية، ولكن لا يعمل على ضرب مؤسساتها، ومهاجمتها، إذ يوجد اختلاف كبير بين الأمرين.
وتابع مصطفى بكري: "عاوزين نقول لكل رجل فاسد اتلم، وكل رجل أعمال بيهرب فلوسه برا لازم يتحاسب، اللي بيعمل ده دلوقتي، وعمل ده امبارح أوعى تفتكر أن هو راجل سليم بالعكس اللي يبيعنا دي مش سلامة نية".
واستكمل أن الكثيرين يرغبون في هدم المشروع الذي تعمل عليه الدولة المصرية في عهد الرئيس السيسي، "مش عاوزين يشوفوا جمال عبد الناصر جديد، أو مشروع نهضة زي محمد علي من جديد، عاوزين يوقعوا البلد ويحاصروها من خلال التحديات، ويعملوا ندرة في السلع في مصر".
وأردف: "إحنا بقينا نشوف الإخوان بتتكلم علنا ويقولوا هيدعموا فلان وفلان في الانتخابات الرئاسية، الإخوان اللي إيديهم فيها دم الشهداء بيتكلموا عن دعم مرشحين في الانتخابات".
