نزل 500 جنيه.. أحمد موسى يفجر مفاجأة بشأن أسعار الأرز
كشف الإعلامي أحمد موسى، عن انخفاض كبير في أسعار الأرز في الفترة الحالية، بعد تصريحاته أمس حول الأسعار، لافتا إلى أنه تلقى اتصالات تفيد بانخفاض كبير في أسعار الأرز.
انخفاضات كبيرة في سعر الأرز
وأضاف "موسى"، خلال تقديمه برنامج "على مسئوليتي" المذاع من خلال قناة "صدى البلد" اليوم الإثنين، أن الأرز نزل 500 جنيه في سعر الطن، "الناس اللي كانت مخزنة الأرز راحوا النهاردة للمضارب فسعر الأرز نزل النهاردة بشكل كبير".
وتابع أحمد موسى: "اللي كانوا مخزنين رز راحوا للمضارب النهاردة، عشان حسوا أن فيه تحركات جديدة هتحصل، أنا بشكرهم جدا للناس اللي تجاوبت وراحت للمضارب علطول، وعشان كده نزل سعر طن الأرز 500 جنيه، والتأثير حصل بشكل واضح".
واستكمل، أن تصريحاته أمس حول الأرز كان هدفها إخراج الأرز المخزن من أجل ارتفاع أسعاره، "النهاردة لازم أشكر الناس اللي تجاوبت وأشكر التحركات اللي أدت لانخفاض سعر الأرز، والابتعاد عن الاستغلالات اللي بتحصل".
