بعد استقباله للرئيس في منزله.. فكري عبد العليم: "الزيارة مكنتش مترتبة"

كشف فكري عبد العليم، المواطن الذي استقبل الرئيس السيسي في منزله، كواليس زيارة الرئيس السيسي له خلال افتتاح الرئيس السيسي عدد من المشروعات القومية ضمن مبادرة حياة كريمة في قرية سدس الأمراء بمحافظة بني سويف.

فكري عبد العليم: "الزيارة مكنتش مترتبة"  

وقال "عبد العليم" في اتصال هاتفي ببرنامج "آخر النهار" المذاع على فضائية "النهار" مساء اليوم السبت: "أنا أول ما شوفت الرئيس السيسي أمام باب البيت جالي ذهول وهو قعد معانا أقل من 10 دقائق"، وأضاف "أنا شكرته على المبادرات اللي عاملها زي حياة كريمة، والولاد مكنوش مصدقين كلنا جالنا ذهول".

وتابع "الزيارة مكنتش مترتبة والرئيس النهاردة جبر بخاطر كل واحد نده عليه وكل واحد قرب منه مكنش بيكسفه حتى الولاد اللي كانت بتجري عليه مكنش بيمنع حد ووقف مع الكل".

واستطرد "الرئيس حنين ويعتبر بمثابة أب لينا كلنا مكناش متخيلين أنه بالطيبة والسماحة دي وأخلاقه عالية كون إنه يجيلي ويلبي طلبي والخير جاي على ايده"، وأردف "كلنا شوفنا النقلة اللي اتنقلتها هذه القرية حاجة تفرح والأيام الجاية حلوة بس احنا نصبر، والرئيس عايز يدينا عينه وكتر خيره".

وأكمل فكري عبد العليم: "هذا الرجل يسير في مركب عكس الاتجاه وربنا يسدد خطاه وكفاية اننا بنقفل بابنا علينا وإحنا أمنيين ومفيش أي حروب".