بعد مؤتمر رئيس الوزراء.. أديب للحكومة: الشعب المصري ليس طفلا عمره 7 آلاف سنة"
عقب الإعلامي عمرو أديب، على مؤتمر رئيس الوزراء بشأن أزمة انقطاع الكهرباء، قائلا: فين التخطيط فين الرؤية فين المعلومة.. رئيس وزراء مصر مش عارف الفرق بين انتهاء الأزمة خلال يومين وبين شهرين".
رسالة إلى الحكومة
وأشار أديب، خلال برنامج "الحكاية" المذاع عبر فضائية "إم بي سي مصر"، مساء السبت، إلى أن من الواضح أن رئيس الوزراء سيتحمل مسوئلية أزمة انقطاع الكهرباء بمفرده، معلقا: "الناس حاسة بتخبط ومحدش بيكلمهم كلام عاقل.. ورئيس الوزراء بيقول لولا اللي حصل في شبكة الكهرباء كانت الكهرباء قطعت أكتر من كده، كتر خيرك يا رئيس الوزراء".
وقال الإعلامي عمرو أديب، مخاطبا الحكومة، “الخطاب اللي عملتوه ده غلط، الصورة ليست جيدة، الشعب المصري ليس طفلا وعمره 7 آلاف سنة، وحكيم وصبور، ارجو تعديل الخطاب اللي بتكلموا به الناس، الأزمة مش عيب، ده بلد عاش مشاكل الدنيا والآخر بس قولوا وأنا معاكم".
