فاكر لما قالك هعلقك من رجليك".. عمرو أديب يرد على ميدو بسبب مرتضى منصور
رد الإعلامي عمرو أديب، على مهاجمة كابتن ميدو له دفاعا عن المستشار مرتضى منصور، قائلا: "أنا مشكلتي مع مرتضى منصور بدأت بسببك يا ميدو".
سبب أزمة عمرو أديب ومرتضى منصور
وقال أديب، خلال برنامج "الحكاية" المذاع عبر فضائية "إم بي سي مصر"، مساء السبت، مخاطبا كابتن ميدو، قائلا: "فاكر ولا أفكرك، لما قال أنا هعلقك من رجليك في الاستديو لو طلعت مع عمرو أديب، ويومها أنا تحملت المسئولية وقولت ميدو هيطلع يتكلم".
وأضاف، "فاكر يومها قال عليك إيه وبيتعمل فيك إيه.. أنا أتخانقت معاه بسببك يا ميدو"، كاشفا أنه تلقى مكالمة من ميدو بعد هذا الموقف، قائلا: "في مكالمات أنا مش بنساها.. فاكر لما كلمتني وقولت أنا هتصالح مع مرتضى ومقدرش أقعد كل شوية يشتمني، مش عايز حد يشتمني، وفضلت خناقتي مكملة مع مرتضى منصور مكملة، ربك يمهل ولا يهمل، وكل يوم بيظهر آية من آياته".
