أحمد موسى لمهاجميه: "لا روحت العلمين ولا هوبت ناحيتها"
رد الإعلامي أحمد موسى، على مهاجميه بأنه متواجد في العلمين بعيدا عن انقطاع الكهرباء قائلًا: "لا روحت العلمين ولا هوبت ناحيتها ولا حضرت حفل المطرب تامر حسني".
وتابع خلال تقديم برنامج "على مسئوليتي"، المذاع على قناة صدى البلد: "عندك سياحة هو أنت جايب الناس تنكد عليها، قائلا: في ناس مفيش حاجة عجباهم قوم اطلع كسر في كل حاجة، وطيور الظلام وأعوانهم وأحبابهم طالعين يتكلموا دلوقتي هو أيه الموضوع؟!.
مش عاوز أتكلم عن أشخاص
وأضاف: أنتوا نسيتوا ولا أيه، مش عاوز أتكلم عن أشخاص، لن أعطي واحد منهم اهتمام لأن الناس ميهمهاش تعرف مين دول، مضيفا: كنت فين وأنت حاطط أيدك في أيديهم وواقف معاهم وتساندهم على مشروعهم الظلامي الإرهابي.
في تعابين وأفاعي مسموعة طالعة من الجحور تتكلم
واستطرد الإعلامي أحمد موسى، من يقف مع بلده اليوم هيكون عمل أكتر من اللي وقف معاها قبل كده، لأن ده وقت تحديات، وفي تعابين وأفاعي مسموعة طالعة من الجحور تتكلم.
وواصل: هو ده وقته للحديث في هذه الأمور، استغلال ظرف تتعرض له البلد، يعني منقدرش لا نتحدث ونقف مع البلد لحد ما تعدي التحدي ده يا جماعة.
واختتم الإعلامي أحمد موسى، يوجد 105 ملايين مصري والبلد تعمل اللي تقدر عليه ولديها أعداد غير مسبوقة من الأعداء من برة وجوة وحتى من غير الأعداء هناك من يريد الوقوف في صفهم.
