بعد خسارة الزمالك.. عمرو أديب: "النادي بيقع وإكرام الميت دفنه"
عقب الإعلامي عمرو أديب، على نتيجة مباراة "الاهلي والزمالك" بالدوري المصري أمس، مشيرا إلى أن نتيجة المباراة لم تكن مفاجأة، ولكن عدد الأهداف كان "كتير وتقيل".
مستوى نادي الزمالك
وقال أديب، خلال برنامج "الحكاية" المذاع عبر فضائية "إم بي سي مصر"، مساء الجمعة، "في فرق بين اللاعب اللي أمه أخدته من إيده وقالته امضي للأهلي.. حسين الشحات إمبارح جاب جونين حلوين"، لافتا إلى أن أداء حارس مرمى الزمالك كان سيىء للغاية.
وأضاف، "الزمالك اتغلب عشان سيىء، منتظر إيه من فرقة ثلثها وهو بيلعب بيفكر هيهرب من الزمالك ويروح الأهلي إزاي، والتلت التاني بيفكر هيروح بيراميدز وفيوتشر إزاي.. هى دي نفسية الفرقة اللي نازلة تلعب لقاء القمة".
وانتقد فانلة نادي الزمالك الزرقاء بالمباراة أمس، قائلا: "إيه فانلة خرج النجف دي، وكلها نجوم، دي مش فانلة رجالة، فين الفانلة البيضاء بتاعتنا، اهى إزرقت على دماغنا، اللاعيبة كانت بتلعب ودماغها مش فيها، نادي الزمالك بينتهي يا تلحقوه يا متلحقهوش، النادي بيقع، ومجش هيعمل حاجة وإكرام الميت دفنه".
وعن صورة حارس مرمى الزمالك محمد صبحي بالمباراة، قال، "أول مرة أشوف لاعب بيلطم، إحنا رايحين في طريق اللي يروح ميرجعش، وخبطة إمام عاشور معلمة في النادي كله، لو مكان اللاعيبة دي أشوف ايه العروض الموجودة بدل ما حد يقولي إنت جيت بشبشب".
