بعد تأييد عزل مرتضى منصور.. أديب: "إيه الأستوك ده" ويتحداه على الهواء
عقب الإعلامي عمرو أديب، على صدور حكم نهائي بعزل مرتضى منصور من رئاسة نادي الزمالك، قائلا: "فاضل وزير الرياضة يروح يرفع قضية في محكمة العدل في لاهاي".
رسالة إلى مرتضى منصور
وقال أديب، خلال برنامج "الحكاية" المذاع عبر فضائية "إم بي سي مصر"، مساء الأحد، "أنتم عايزين عدل ولا شبه العدل، عايزين المنظر أن مرتضى منصور اتعزل ولا يتعزل بجد"، مضيفا: "لو فضل في النادي ماسك الاشتراكات وقاعد بيحكم ويأمر داخل النادي يبقا بتقول للناس مفيش عدل".
وأشار إلى أن هناك من يستاءل عن إمكانية ترشح مرتضى منصور لرئاسة النادي، معلقا: "طب ما تقولوا أنك عايزينه بدل كل ده.. ايه يا جماعة ده ايه الأستوك ده، ده حاجة غير موجودة في مكان في العالم، قولوا أن ده قدركم وعايزينه، بقالي 20 سنة بيشتم وبيهين أي حد فالبلد، هو ده النموذج اللي عايزينه في نادي من أكبر نوادي مصر".
وأضاف، “لسه قاعد في النادي وماسك الحديدة وهيطلع يشتم في عيلتي كلها بالليل”، لافتا إلى أن مرتضى منصور صرح أنه تلقى اتصالات من شخصيات بالدولة للبقاء في نادي الزمالك، معلقا: “أتحداك تقول اسم حد، دي النادي في أسوء مراحله، ده نادي مملوك للدولة، مش مملوك لمرتضى منصور وأولاده، أنا فاهم كل حاجة في مصر إلا ده”.
